Landkjenning - Spania

Nærkontakt med månefisk.

Stian ringer laurdag 20:15 for å fortelje meir om fiskeri og anna spenning på havet!

Dei har fått ein tunfisk på ca 4 kg og ein på 10-12 kg, og slete snøret på endå større fisk. Dei har også møtt på ein kjempeflokk med delfin, med små ungar i lag med seg.

I dag oppdaga dei ein stor finne som stakk opp. Dei svinga bort for å undersøke nærmere, og Stian drog kjensel på fisken han har sett ein gong før, i Grytafjorden. Det var ein månefisk. Stian treiv dykkermaska og hoppa i sjøen, greip tak i den store fisken og fekk svinga den inn mot båten, og Reidun fekk filma episoden. Skinnet var ganske sandpapiraktig, så Stian vart oppskrapa og blødde litt, men kva gjer vel det i så spennande møte med så spesiell fisk.

I det eg spør om posisjonen, fær Stian akkurat auge på Spania. Dei reknar med å vere i hamn i morgon tidleg i La Coruna og posisjon akkurat no er 44° 14'N og 8° 02'W, seier han.

Andor